Menu

Референдум аркылуу Эрдоган өзүнө чексиз бийлик камсыздады

Бөлүшүү:

Түркияда референдум өтүп, добуштардын 100 пайызы саналып бүттү. Бул тууралуу мамлекеттик Анадолу агенттиги билдирди. Түркияда жарандардын көбү Конституциядагы өзгөртүүлөрдү колдоду. Ага ылайык, эми республика президенттик башкарууга өтөт.

Баш мыйзамдагы өзгөртүүлөргө “макул” деп 51, 35 пайыз шайлоочу добуш берди, каршылар – 48,65 пайызды түздү. Акыркы 100 жылдан бери өлкөнү башкарууда алгач ирет ушундай ири реформа болууда.

Референдумдун жыйынтыгы менен президент Режеп Тайип Эрдоган кеңири ыйгарым укуктарга ээ болот. Эми ал вице-премьерлерди (премьер-министрлик кызмат жоюлат), Конституциялык соттун судьяларын, Жогорку кеңештин сотторунун мүчөлөрүн жана прокурорлорду өзү дайындайт. Парламентти таратуу жана өзгөчө кырдаал киргизүү укугуна ээ болот. Мындан тышкары Эрдоган бийликте 2029-жылга чейин калат.

Оппозициялык партиялар жана ММКлар референдум учурунда шайлоо тилкелеринде олуттуу мыйзам бузуулар катталганын билдиришти. Оппозициялык Республикалык элдик партиясынын өкүлдөрү бийлик жарактан чыккан 1,5 миллион добушту эсепке кошуп койгонун маалымдады. Маалымат каражаттары көптөгөн шайлоо тилкелеринде бюллетендерге мөөр басылбаганын, айрым конверттер чапталбаганын жазышты. Мындан тышкары белгисиз адамдар бош бюллетендерге “макул” деген белги коюп, мөөр басканы тууралуу видео жазуу Интернетте тарады.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

− 2 = 2

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: