Президент Дональд Трамп башында турган АКШнын жаңы администрациясы Түндүк Кореяга карата Барак Обама тушундагыдай «стратегиялык сабырдуулук» саясатын карманбайт. Бул тууралуу иш сапары менен Түштүк Кореяда жүргөн АКШнын вице-президенти Майкл Пенс билдирди.
Ал Түндүк Кореянын өзөктүк курал көйгөйү боюнча «стратегиялык сабырдуулук» доору аяктаганын айтты.
Пенс аскердик өнөктөшү катары Вашингтон Сеулдун алдындагы милдеттенмелерин аткара турганын билдирди. Ал АКШ Корея жарым аралындагы коопсуздукту «тынч жана сүйлөшүү жолу менен» камсыздоого белсенип жатканын белгиледи.
Ал бул боюнча бардык варианттар каралып жатканын жана жарым аралды өзөктүк куралдан бошотуу үчүн АКШ Түштүк Корея элине колдоо көрсөтөрүн кошумчалады.
Акыркы апталарда Корея жарым аралындагы абал кескин курчуду. Түндүк Корея Ким Ир Сендин 105 жылдыгына карата кубаттуу аскердик парад өткөрүп, өзөктүк ракета учурду. Өз кезегинде АКШ жарым аралга авиациялык тобун жөнөтүп, Кошмо Штаттар менен Түштүк Кореянын биргелешкен аскердик машыгуулары өткөрүлөрүн билдирди.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ