25-апрелде Тажикстан президенти Эмомали Рахмон менен АКШ армиясынын Борбордук командачылыгынын башчысы Жозеф Вотел Ооганстан менен болгон мамлекеттик чек арадагы тажик чек ара күчтөрүнүн потенциалын бекемдөө маселелерин талкуулашты. Бул тууралуу тажик мамлекет башчысынын басма сөз кызматы билдирди.
Дүйшөмбү менен Вашингтон эл аралык терроризм жана экстремизм коркунучтарынын өсүшү жана уюшкан кылмыштуу топтордун жанданышын эске алуу менен бул тармакта кызматташуунун натыйжалуу сунуштарын карап чыгышты.
Басма сөз кызматтын маалыматы боюнча тараптар ошондой эле аймактагы коопсуздукту жана туруктуулукту камсыз кылууга багытталган аскердик жана аскердик-техникалык тармактагы кызматташтыктын абалы менен келечегин талкуулашты.
Тажикстан менен АКШнын аскерий түзүмдөрү «Эл аралык каржы колдоосу», «Глобалдык тынчтык демилгеси», «Аскердик окутуулар», «Эл аралык терроризмге жана мыйзамсыз маңзат ташууга каршы күрөшүү» программаларынын алкагында кызматташышат.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ