Жогорку Кеңештин депутаты Жанар Акаев Венгрия сунуштаган гранттык орундарга жөнөкөй студенттердин документтери табышмактуу түрдө жөнөтүлбөй, жалаң Жогорку Кеңеш менен өкмөттө иштегендердин балдарынын тизмеси кеткенин маалым кылды. Бул туурасында ал,- “Венгрия менен 25 студентти акысыз окутуу боюнча грантка кол коюлган. Бирок тандоо учурунда арыз берген 100дөгөн балдардын документтери жиберилген эмес. Алардын ордуна Билим берүү министрлиги, өкмөттө, ЖКда иштегендердин балдарынан турган тизмени жөнөтүшкөн”, – деп билдирди. Мындан улам Жанар мырза, асмандан түшкөн грант менен окуйм деп барган чоңдордун балдары өлкөнү уят кылган учурлар көп экенин айтып, билимге суусаган жаштардын жолун тосуу туура эмес экенин кошумчалады.
Булак: “Фабула”
КОММЕНТАРИЙ КАЛТЫРУУ