2017-жылдын 17-май күнү Москва районунун ички иштер бөлүмүнө аймактык оорукага бычактан алган жаракатынан улам белгисиз жарандын жаткырылгандыгы тууралуу маалымат келип түшкөн. Бул туурасында Чүй ОИИББнын Басма сөз кызматы маалымдайт.
Бул окуя боюнча Москва райондук ИИБнүн ыкчам-тергөө тобу Москва районунун аймактык ооруканасына чыгышып, жабырлануучунун өздүгүн тактаган учурда ал 32 жаштагы Беловодск айылынын З.П. аттуу тургуну экендиги аныкталган. Денесине кароо жүргүзүлүп, соттук медициналык экспертиза дайындалган.
Бул окуя боюнча Москва районунун ИИБнүн тергөө бөлүмү тарабынан Кыргыз Республикасынын Кылмыш- жаза кодексинин 104-беренеси (Атайлап денеге оор залал келтирүү) боюнча кылмыш иши козголгон. Москва районунун ИИБнүн кызматкерлери тарабынан жүргүзүлгөн ыкчам-издөө иш-аракеттеринин натыйжасында жогорудагы кылмышка шектүү делип, Москва районунун Ак-Суу айылынын 60 жаштагы жашоочусу М.А. кармалып, ал күнөөсүн моюнуна алып, аялын кызганып, жабырлануучу экөөнүн ортосунда уруш чыгып, ушул жолго барганын билдирген. Кармалган жаран Москва районунун ИИБнүн убактылуу кармоочу жайына камакка алынган. Учурда тергөө иштери жүргүзүлүүдө.
КОММЕНТАРИЙ КАЛТЫРУУ