Түркмөн ишкерлери тыштан товарларды алып кирүү үчүн мамлекеттик биржадан уруксат алуу тууралуу жаңы талапка кабатыр болушууда.
Түркмөнстандагы атын атагысы келбеген ишкерлердин биринин айтымында, бул талап мыйзамсыз. Анын билдиришинче, биржа товарларды каттоо боюнча чет элдик ишкерлерден чет өлкөлүк валюта, жергиликтүү ишкерлерден манат түрүндө акы алат. Бирок чет өлкөлүктөр мүчөлүк акы төлөбөгөндүктөн, бул каражатты толуктоо жергиликтүү ишкерлерге жүктөлөт.
Импорттук товарларды бажы каттоосунан өткөрүү тууралуу жаңы талап Түркмөнстандагы коррупцияга каршы күрөштүн жаңы толкунуна туш келди.
Ишкерлердин пикиринде, биржадан уруксат алуу бюрократиялык кошумча тоскоолдуктарды жаратып, паракорчулукка жол ачат. Натыйжада расмий жана бейрасмий чыгымдар көбөйүп, сырттан келген товарлардын баасы өсүшү ыктымал.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ