Жапония парламентинин жогорку палатасы император Акихитонун тактан баш тартуусу жана бийликти мураскерине өткөрүп берүүсү тууралуу мыйзамды жактырды.
Кабыл алынган документке ылайык, бул жараян үч жылдан ашпаган убакытка чейин созулушу керек. Мыйзам учурдагы монархка гана тиешелүү болот.
Өткөн жылы августта 83 жаштагы император Акихито калкка кайрылып, жаш курагы жана саламаттыгына байланыштуу ыйгарым укуктарын улуу баласы, канзаада Нарухитого өткөрүп берүү каалоосун айткан.
Бул акыркы 200 жыл ичинде жапон монархы тактыдан баш тарткан алгачкы учур болот. Бийликти өткөрүп берүү кийинки жылдын аягына чейин ишке ашат деп күтүлүүдө.
Буга чейин мыйзам долбоорун жапон парламентинин төмөнкү палатасы жактырган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ