Бейшембиде Нью-Йорктун сот арачылары шаардагы Иранга таандык 36 кабаттуу имаратты конфисакциялады. Манхэттендин чок ортосунда жайгашкан имарат расмий түрдө иран-америкалык “Алави” кайрымдуулук коруна таанык болгон.
Прокурорлордун ырасташынча, кыймылсыз мүлктүн чыныгы ээси – иран өкмөтү. Тегеран кайрымдуулук корунун атына жамынуу менен экономкалык санкцияларга карабай, имаратты пайдалануудан келип түшкөн кирешелерге ээлик кылып турганы айтылууда.
“Алави” ишин териштирүү тогуз жылга созулган. Фонд өкүмгө макул болбой, жогорку инстанцияга доо арыз менен кайрыларын билдирди.
Наркы 500 миллиондон миллиард долларга чейин турган имаратты сатуудан түшкөн пайда эл аралык терроризмдин курмандыктарына компенсация төлөөгө жумшалат. Нью-Йорк арачыларынын чечими боюнча, бийлик Иранга таандык болгон башка кыймылсыз мүлктөрдү да алышы мүмкүн.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ