Ирактын премьер-министри Хайдер ал-Абади өкмөттүк армияны сегиз айга созулган Мосул шаарын террорчулардан бошотуу үчүн жасалган чабуулдагы жеңиши менен куттуктады. Бул тууралуу өкмөт башчынын аппаратынын билдирүүсүндө айтылат.
Ирактын аскерлери АКШ баштаган эл аралык коалициянын колдоосу менен Мосулду бошотуу операциясын 2016-жылдын октябрь айында баштаган.
Бириккен Улуттар Уюмунун маалыматына ылайык, 2014-жылы өздөрүн “Ислам мамлекети” атаган террорчулардын карамагына өтүп кеткен Мосул шаары үчүн салгылашуу миңдеген жай тургундардын өмүрүн алып, миллиондой адамды үй-жайын таштап качууга аргасыз кылды.
Бийлик Мосул үчүн негизги согуш аяктаганы менен, шаардын айланасындагы айылдарда “Ислам мамлекети” радикалдык террорчу уюмунун жоочулары мындан кийин да кол салууларды уюштура бериши ыктымалдыгын эскертти.
Булак: “Борбор Азия жаңылыктар кызматы“
КОММЕНТАРИЙ КАЛТЫРУУ