Эсиңиздерде болсо гезитибиз өткөн санында Кочкор районуна караштуу Туз айыл аймагында жайгашкан «Чоң Туз» шахтасы жөнүндө сөз кылдык эле. Гезитибиз жарыкка чыккандан кийин так ошол Кочкор районунан бир катар окурмандарыбыз байланышка чыгып «Чоң Туз» шахтасы мамлекеттин эмес, кара башыл бир адамдын жеке менчиги экендигин баса белгилешип, аларды мактагандын ордуна аталган шахтаны мамлекеттин менчигине өткөрүү демилгесин көтөрсөк элдин алкышына ээ боло турганыбызды айтып өтүштү.
Көрсө, айрым адамдар ар кандай амал менен жалпы элдин орток байлыктарын жеке менчиктерге өткөрүп алышканда, «Чоң Туз» шахтасы дагы көпөстөрдүн колуна өтүп кеткен
экен. Бирок, мамлекет башына элди ойлогон адамдар келе баштаганы андай өзүмчүлдөрдүн тизгинин тартып, эл байлыгын мамлекеттештирүү жүрүп эле жатпайбы. Маселен, Кочкор районунда жайгашкан айтылуу «Чоң Туз» шахтасы дагы учурда бир кишинин менчиги экендигин жогоруда айтып өттүк. Ээси ким деп тактап көрсөк бир учурда, «Кочкор районунун акимдигин 100 миң долларга сатып алгам», «Омбудсмен деген эмне болгон фирма»-деген сөздөрү менен жалпы журтка шерменде болгон аталган райондун экс-акими Курманбек Байтереков менчиктеп алган экен. Туз чыккан кендин өзү 80 гектар жерди ээлейт. Жергиликтүү эл малына тузду сатып алышат, бир киллограмын 7 сомдон. Керек болсо Кочкорлуктар кара тузду бекер пайдаланышы керек эле да. Мына ушундай элдин байлыгын карабашыл бир адамга менчиктеп берип коюп олтура беребизби? Элдин байлыгын элге кайтарып, «Чоң Тузду» толугу менен мамлекетке алганга неге болбосун? Же чаласабат деп айтылып жүргөн Байтерековдон коркушабы?! Бул боюнча кеңири сөз кылып, мамлекеттин менчигине алдырууга болгон аракетибизди жумшайбыз.
Булак: “Де-Факто”
КОММЕНТАРИЙ КАЛТЫРУУ