Борбордук шайлоо комиссиясы президенттик кызматка талапкерлердин шайлоо фондундагы акча каражаттары тууралуу маалымат таратты. Ага ылайык, 11-сентябрга карата талапкерлердин арасынан эң көп акчаны Өмүрбек Бабановдун фонду жумшады, жалпы 126 200 000 сом түшсө, бүгүнкү күндө анын 110 706 904 сому сарпталган. Андан кийинки орунда Сооронбай Жээнбеков турат. Анын шайлоо фондуна 46 300 000 сом түшсө, 36 778 940 сом жумшалган. Кийинки орундагы талапкер Темир Сариевдин фондуна түшкөн 26 500 000 сомдун 24 197 069 сому коротулган. Кыргызстанда президенттик шайлоо 15-октябрга белгиленген. БШКнын каттоосунан 13 талапкер өткөн.
Булак: “Борбор Азия жаңылыктар кызматы“
КОММЕНТАРИЙ КАЛТЫРУУ