Ташкенттин ички иштер башкы башкармалыгы борбордогу бардык колледждер менен лицейлерди жапырт текшере баштады. Бул тууралуу 19-октябрда Ташкент ИИБсинин башчысы Баходир Курбанов билдирди.
Анын айтымында, бул текшерүү иштери Ташкент юридикалык колледжиндеги студенттердин бычакташуусуна байланыштуу.
«Юридикалык колледжде кантип ушундай көрүнүш болду? Бул колледждин жетекчилиги тараптан Өзбекстандын мыйзамдарын, окуу жайлардагы тартиптерди тааныбоо болуп эсептелет. Мектепте бир эле саюучу-кесүүчү буюм табылса, чуу көтөрүү керек», — деп билдирди Курбанов.
6-октябрда борбордогу юридикалык колледжде студенттер арасында мушташ чыгып, анын жүрүшүндө эки бала бычактан жаракат алышкан. Экөө тең ооруканага жеткирилип, бирөөсү кан көп жоготкондуктан каза болуп калган. Текшерүүлөрдөн кийин окуу жай жетекчилигинин аракеттеринде мыйзам бузуулар аныкталып, ал кызматтан алынган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ