Түркмөнстандын банктары эл аралык VISA төлөм системасынын пластик карта ээлерине карата кайрадан чектөөлөрдү киргизишти.
Жергиликтүү ММКлардын маалыматына караганда, мамлекеттик мекемелердин кызматкерлерине эртең мененки 9дан кечки 6га чейин эсебин толтуруу үчүн банктарга барууга тыюу салынды. Ошол эле маалда банктагы акча кабыл ала турган кассалар 9:30дан 16:00гө чейин гана иштей тургандыгы айтылууда.
Банктар VISA картасына акча салууга келген адамдардан жумушунан маалымкат алып келүүнү талап кылышууда. Анда жарандын учурда эмгек өргүүсүндө жүргөндүгү же суранып кеткендиги ырасталып, кирешеси көрсөтүлүшү керек. Бул документи жокторго картасына акча салууга уруксат берилбейт.
Өз кезегинде борбордогу бир нече ишкананын кызматкерлери банктар талап кылган маалымкаттарды алуу кыйын болуп жатканын билдиришти. Айтымдарында, андай документ алуу үчүн кеминде эки жетекчинин макулдугу керек болот.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ