Коррупция беренеси менен айыпталган КСДПчы депутат Музаффар Исаковдун иши «жылуу-жумшак» маанайда создугуп жүрүп, акыры сотко өттү. Өзү депутат болуп отурат, бирок, бетке чабар Рыскелди Момбековдой бакылдап, эл үчүн күйүмдүү деле сөз айтканын уга элекпиз. Болгону коррупционер катары шектелип, бийликтин калкалоосунда кылы да кыйшайбай келатканы көпчүлүктүн кыжырын кайнатууда. Эгерде Музаффар оппозициячыл фракциядан депутат болгондо, эмгиче соттун өкүмү чыгып, түрмөдө баланда ичип отурмакпы? Ишенүү кыйын, бута чейин бийлик «кол ийрисине тарткан» өз короосундагы кылмышка шектүүлөрдү калкалап келгенин эске алсак, соттон деле чокутпай сактап калат го?..
Булак: ”Азия Ньюс”
КОММЕНТАРИЙ КАЛТЫРУУ