29-май күнү эртең менен Газа секторунан Израиль аймагына 25 ракета коё берилди. Бул тууралуу Израиль Коргоо министрлиги билдирди.
Сдерот жана өлкөнүн түштүгүндөгү райондор аткылоого кабылды. Жабырлануучулар жок, ракеталардын көбү зыянсыздандырылды. Бирок алардын бири ачылганга чейин бала бакчадан алыс эмес жерге келип түштү.
Израиль 2004-жылдан бери мынчалык ири ракеталык аткылоого кабылган эмес. Бул үчүн жоопкерчиликти эч ким өзүнө ала элек, бирок буга чейин палестиналык радикалдуу “Ислам жихады” тобу израиль аскерлери тарабынан өлтүрүлгөн үч мүчөсү үчүн өч аларын билдирген.
Марттан бери Израиль менен Газа чек арасында палестиналыктар жапырт демонстрацияга чыгышууда, алар чек арадан өтүүгө аракет жасап, израиль аскерлерине кол салышууда. Эки айдан берки кагылышуу учурунда 100дөн ашуун палестиналык мерт болду.
Булак: «Борбор Азия жаңылыктар кызматы»
КОММЕНТАРИЙ КАЛТЫРУУ