Транспорт тармагына жетекчи болуп келген киши кыска мөөнөттө бутуна туруп, көйкөлгөн «көпөскө» айланаарын турмуш тастыктап келет. Тарыхын карасак, Жантөрө Сатыбалдиев, Кубанычбек Жумалиев, Нурлан Сулайманов, Калыкбек Султанов сыяктуу көпөстөрдү так ушул жерден миллионерге айланганы чындык да. Далай чор тамандар ушул жерден ирденген. Көрсө, бул чөлкөмдө ченебеген каражат айланат экен да. Буга жакында колго түшкөн орун басар эң сонун мисал болду десек аша чапкан болбойбуз. Бир эле тендерден 520 миң доллар «шапке» алганын көрдүк. Албетте, биздин айтайын дегенибиз башка. Бир кезде министрликти башкарып, кийин кылмыш ишине илинип жүргөн Нурлан Сулайманов агабыз жакындан бери ооруканаларга тынбай каттай баштаганын байкадык. Каражаныңыздан аянбай дарыланыңыз Нурлан мырза, коррупция күтө тураар.
Булак: “Де-Факто”
КОММЕНТАРИЙ КАЛТЫРУУ