Өзбекстандын Наманган облустук акимчилиги өлкөнүн Үй-бүлөлүк кодексине «Милдеттүү нике килишимин киргизүү» беренесин кошууну сунуштады. Бул тууралуу өлкөнүн Юстиция министрлиги Telegram-каналы аркылуу билдирди.
Сунушталган өзгөртүүлөргө ылайык, ортодо нике келишимин түзбөгөн жуптар Жарандык актыларды каттоо органдары тарабынан каттоого алынбайт.
Буга чейин жергиликтүү адистер Үй-бүлөлүк кодексти кайрадан карап чыгып, милдеттүү нике келишимин киргизүүгө убакыт келип жеткенин билдиришкен. Алардын пикиринде, мындай жол менен үй-бүлөлүк мамилелерге үчүнчү тараптардын кийлигишүүсүнөн арылууга болот.
Жергиликтүү маалымат каражаттары жакынкы сурамжылоонун жыйынтыктарына таянып билдиришкендей, респонденттердин 41,5% милдеттүү нике келишиминин киргизилишин колдой тургандыктарын айтып, бул жаштардын үй-бүлө курууга жоопкерчиликтүү мамиле кылышына түрткү болорун билдиришкен. Сурамжылоого катышкандардын 36,5% нике келишиминин болушу жубайлардын ыктымал ажырашуусунан кийинки маселелердин жаралышынын алдын аларын айтышкан.
Расмий маалыматтар боюнча 2018-жылы өлкөдө 311,4 жуптун 219у нике келишим түзгөн.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ