– Каныбек Осмоналиевич, мына, кайрадан митингдер башталды. Кандай деп ойлойсуз, ушундай акциялар бара-бара элдин чоң нааразычылыгына айланып кетпейби?
– Мени да ошол нерсе абдан түйшөлдүрүп, ойлонтуп жатат. Мен өзүмдүн мүнөзүм боюнча ар кандай революциялардан алыс кишимин. Өзү окумуштуулар, айрыкча физик-математиктер андайдан алыс болушат. Бирок, нааразылыктардын күчөө коркунучу бар. Эмне үчүн андай болууда? Менимче, бийлик чечкинсиздик кылууда. Кичинекей эле нерсени чоң проблемага айландырып, чечкендин ордуна аркасынан сөз ээрчитип, алдин кыжырына тийип, чечкенде дагы бир нече жакшы варианттардын ичинен эң начарын тандап алгандары өкүнүчтүү. Бул аларга аброй алып келбейт да. Чындыгында эле сынчыл масса бара-бара көбөйүп, мурда экономикалык талаптар гана коюлуп келсе, эми саясый да талаптар коюла баштады. Аны токтотуп калуу президентган аппаратынын, соратниктеринин милдети.
Эрнис Кебекбаев
Булак: «Азия ньюс»
КОММЕНТАРИЙ КАЛТЫРУУ