ШКУ мүчө-мамлекеттердин башчыларынын саммитин өткөрүү учурунда Кыргыз Республикасынын ИИМдин ЖКККББнын кызматкерлери күчөтүлгөн тартипте кызмат өтөшүп, аталган иш-чарада жол кыймылынын коопсуздугун камсыздоо үчүн 1000 жакын кызматкер тартылат. Бул тууралуу ИИМдин ЖКККББнын басма сөз кызматы билдирди.
Делегациялар өтө турган Чүй облусунун жана Бишкек шаарынын аймагында иш-чараларды өткөрүү жайларында, көчөлөрдө, жолдордо маал-малы менен жолдор убактылуу жабылат. Бишкек шаарынын жана Чүй облусунун аймагында өтө турган
иш-чаралардын жанында 12 эвакуаторлор тартылат. Такталбаган жерлерде токтотулган жана кароосуз калган автоунаалар эвакуацияланат.
Маанилүү иш-чараларды өткөрүүгө байланыштуу Кыргыз Республикасынын ИИМдин ЖКККББсы шаардын тургундары менен жашоочуларын түшүнүү менен кабыл алууларын суранат! Айдоонун эрежелери менен маданиятын сактаңыздар. Транспорт каражаттарын такталбаган жерлерге токтотпоңуздар жана кароосуз калтырбаңыздар. Карама-каршы тилкеге чыгып, тыгындарды жана жол кыймылынын башка катышуучуларына ыңгайсыздыкты жаратпаңыздар!
КОММЕНТАРИЙ КАЛТЫРУУ