«Газпром» Түркмөнстан менен газ сатып алуу келишимине кол койду

Орусиялык компаниянын маалыматына караганда, «Газпром» Түркмөнстандан жылына 5,5 миллиард куб метр газ сатып алып турат.

Буга чейин эки мамлекеттик компания июндун аягына чейин 1,2 миллиард куб метр газ импорттоо тууралуу эки жарым айлык убактылуу келишим түзүшкөн.

2015-жылы «Газпром» түркмөн газынын импортун 10 миллиард куб метрден төрт миллиард кубга чейин азайтуу ниетин билдирген. 2016-жылдын башында баа боюнча келишпестиктерден улам орус компаниясы түркмөн газын сатып алууну токтоткон.

Булак: “Борбор Азия жаңылыктар кызматы”