“Бюджеттин киреше бөлүгүн толтуруу планы аткарылбай жатат. Салык инмпециясында кемчиликтер көп. Ошондуктан киреше бөлүгүн аткара албаган салык инспекциянын жетекчилери кызматтарынан кетиши керек. Бизде адатта аларды башка райондорго которуп жиберишет. Антпей эле алар иштей албай жаткандыктан биротоло мамлекеттик кызматтан кетириш керек.”, – деди бүгүн, 5-августта КР Салык кызматынын коллегиясында премьер-министр Мухаммедкалый Абылгазиев.
“Кээ бир райондор планды аткарып жакшы иштеп жатышат, ал райондордун салык инспекциясынын жетекчилерин кызматтан көтөрүш керек. Антпесе “жакшы иштесең деле жаман иштесең деле жүрө бересин” деп кызматка кош көңүл болуп жатышат. Ал эми иштей албай, аландарын толтура албай жаткан район жетекчилеринин тизмесин бериңиз, алар кызматтарынан кетишсин. Алардын ордуна тажрыйбалуу уюштургуч жетекчилерди дайындайлы”, – деди премьер Абылгазиев.
Булак: KyrgyzToday.kg
КОММЕНТАРИЙ КАЛТЫРУУ