Сапар Исаковдун адвокаты Нурбек Токтакунов башкы прокуратурага арыз жазып, Райым Матраимовдун чыгаша-кирешесин текшерүү таризинде даттанганы логикага коошпой калды. Ал «Азаттык» радиосунун «иликтөөлөрүнө» таяныптыр.
Эске салсак, буга чейин Райым Матраимовду жана туугандарын финпол 7 ай тыкыр текшергенден кийин салыктардан талаш-тартыштар чыкканына күбө болгонбуз. Бул боюнча Матраимовдор ийкемдүүлүккө барышып, мамлекетке көрсөтүлгөн сумманы төлөп беришкен.
Учурда УКМК «Азаттыктын» каралоосу боюнча териштирүү иштерин жүргүзүп, Райым Матраимовду күбө катары суракка алууда. Мындан артык дагы эмне болушу керек?
«Төө бастыга алып, жалган жалаа жаба берсек эле эл ишенет» деген жандалбастар суу кечпей калганын эсиңерге алып койсоңор!
Айтмакчы, оор жана өтө оор кылмыштарга айыпталгандарды мыйзамдын алкагында соттук-психиатриялык экспертизадан өткөзүү шарты каралганы талкуу жаратты. Мындан улам идея келүүдө, оор кылмыштарга адвокат болгондордун да психикалык саламаттыгын текшерүү зарылдыгын карап көрбөйлүбү? А болбосо айрым адвокаттар өз милдеттеринен сырткары чыгышып, коомчулукту дүрбөлөңгө салышуу менен саясатташып кетип атышат. Эмесе, суроо салалы: Нурбек Токтакуновду соттук-психиатриялык экпертизадан текшерүүдөн өткөзсө болобу? Мандем жокпу?..
Булак: “Азия Ньюс”
КОММЕНТАРИЙ КАЛТЫРУУ