Бүгүн, 24-декабрдан тартып айдоочулук күбөлүктөрдү берүү Бишкектин Ауэзов көчөсү 1/5 дареги боюнча жүзөгө ашырылат. Бул тууралуу Мамкаттоонун басма сөз кызматы билдирет.
«Унаа» ММсына кайрылуулардын ири агымын көңүлгө алуу менен, келген адамдардын топтолуусун кыскартуу максаттарында айдоочулук күбөлүктөрдү берүү бөлүмүн Ауэзов көчөсү, 1/5 дарегинде жайгашкан КТБ-4түн имаратына, 1-кабатка убактылуу көчүрүү чечими кабыл алынды.
Документтерди кабыл алуу жана тариздетүү «Унаа» бөлүмүндө: Лебединовка айылы, Жеңиш проспекти, 121«Б» дареги боюнча жүргүзүлөт.
9-декабрдан тартып жаңы үлгүдөгү айдоочулук күбөлүктөрдү берүүгө анкета арыздарды кабыл алуу башталды. Даярдоо мөөнөтү, документтерди кабыл алуу күнүн эсепке албастан 4 жумуш күндү түзөт. Документтин даяр болгондугу тууралуу арыз берүүчү мобилдик номерине смс-билдирүү алат.
Бардык мүмкүн болгон маселелер боюнча (312) 62-41-40 телефону боюнча кайрылууңуздарды сунуштайбыз.
КОММЕНТАРИЙ КАЛТЫРУУ