Жогорку Кеңештин депутаттары өлкө аймагындагы калк менен жеринде иш алпарууда. Парламенттик фракциялардын депутаттар топтору жергиликтүү бийлик өкүлдөрү менен бирге аймактардагы социалдык объектилердин курулушу менен таанышып, элеттиктердин көйгөйлүү маселелерин биргелешип чечүү жаатында пикир алышууда.
Депутат Жанар Акаев Ош облусунун алыскы айылдарынын жашоочулары менен жолугушууларды өткөрүп жүрөт. Алай районуна караштуу Сары-Могол айылына жакында көчүп келген элүүгө жакын памирлик кыргаздардан кабар алды.
“Памирден келген боордошторубузга жакында турак-жай курулат. Ага азырынча 10 миллион сом каралган, дагы каралат. Айрым муктаждыктарына жардам бердик. Ата-баба жеринде бактылуу жашап, балдарынын билим алуусуна шарт жаралды” – дейт эл өкүлү.
Булак: «KyrgyzToday»
КОММЕНТАРИЙ КАЛТЫРУУ