Бир сутка ичинде өлкө боюнча медициналык кызматкер арасында коронавирус жуктуруп алгандардын саны 2ге көбөйдү. Бул тууралуу бүгүн, 24-майда Саламаттыкты сактоо министринин орун басары Нурболот Үсөнбаев маалымдады.
Бүгүнкү күндө республика боюнча 275 медициналык кызматкер илдетке кабылып, анын 230 айыгып, ооруканалардан чыгарылды.
Белгилей кетсек, Кыргызстанда 24-майга карата коронавирус жуктурган 38 жаңы учур катталды. Азыркы тапта өлкөдө коронавирус жуктурган учурлардын саны 1403 адамды түзөт. Алардын ичинен 980 адам коронавирустан айыгып, ооруканадан чыгарылган. Коронавирус жуктурган 14 адам каза болду.
Булак: KyrgyzToday.kg
КОММЕНТАРИЙ КАЛТЫРУУ