Бир сутка ичинде өлкө боюнча 27 медициналык кызматкер коронавирус жуктуруп алды. Көбү Ош шаарында

Бир сутка ичинде өлкө боюнча медициналык 27 кызматкердин коронавирус жуктуруп алганы аныкталды. Бул тууралуу бүгүн, 28-майда Саламаттыкты сактоо министринин орун басары Нурболот Үсөнбаев өкмөттүк онлайн-брифингде билдирди.

Алардын ичинен:

Бишкек шаарында – 5 кызматкер,

Ош шаарында – 15 кызматкер,

Нарын облусунда – 7 кызматкер,

Ал эми стационарлардан 4 медкызматкер сакайып чыкты. Жалпысынан республика боюнча 326 медициналык кызматкерден COVID-19 инфекциясы аныкталды. Алардын ичинен 247 медкызматкер стационарлардан айыгып чыкты.

Булак: KyrgyzToday.kg