Тажикстанда COVID-19 инфекциясын жуктуруп алгандардын саны 3930 адамга жетти. Бул тууралуу 31-майда өлкөнүн Саламаттык сактоо министрлиги билдирди.
Мекеменин маалыматына караганда, коронавирустан 47 бейтап каза болуп, 2004 киши айыгып чыкты. 31-майга карата 1886 адам ооруканада дарыланууда.
Бул арада kvtj.info сайтындагы «элдик тизмеде» 29-майга карата өлкөдө коронавирус жана пневмониядан өлгөндөрдүн саны 360ка жеткени жазылууда. Тизме ЖМКларда, социалдык түйүндөрдө жарыяланган билдирүүлөргө жана маркумдардын туугандары берген маалыматтарга негизделген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ