6 жаштагы өспүрүмдү сүзүп, качып кеткен мас абалындагы айдоочу кармалды

6 жаштагы өспүрүмдү сүзүп кеткен айдоочу кармалды. Бул тууралуу Чүй облустук жол кыймылынын коопсуздугун камсыздоо башкармалыгынан билдиришти.

Маалыматка ылайык, жол кырсыгы кечээ, 25-августта саат 14:30 чамасында Ысык-Ата районунда катталган. Анда “Ауди” үлгүсүндөгү унаа жолдо 6 жаштагы баланы сүзүп кеткен. Айдоочу окуя болгон жерден балага жардам бербей качып кеткен.

Бала жаракат алып, анын ичинде буту сынып, ооруканага жеткирилген.

Айдоочунун өздүгү аныкталып, ал 1973-жылы туулган жаран Р.К. 47 жаштагы жаран кармалып, ак түстөгү “Ауди 100” үлгүсүндөгү унаа айып токтотуучу жайга коюлган.

Жол кайгуул кызматы кырсык болгон учурда айдоочу мас абалда болгонун билдирди.