Бүгүн, 8-октябрга карата Кыргызстанда дагы 245 адамдан коронавирус жана пневмония оорусу аныкталды. Бул тууралуу КР саламаттык сактоо министри Сабиржан Абдикаримов онлайн-брифингде билдирди.
Жаңы учурлар: Бишкек шаарынан – 77, Ош шаарынан – 13, Чүй облусунан – 17, Ош облусунан – 62, Талас облусунан – 3, Ысык-Көл облусунан – 8, Жалал-Абад облусунан – 44, Баткен облусунан – 19, Нарын облусунан – 2 катталган.
Муну менен өлкөдө ооругандардын жалпы саны 48 097ге жетти.
Ал эми акыркы бир сутка ичинде коронавирус жана пневмониядан айыккан 159 бейтап ооруканадан чыгарылды, алардын жалпы саны 43 957ге жетти.
Оорудан айыккандар: – Бишкек шаарынан – 17 адам; Чүй облусунан – 14, Ош шаарынан – 11, Ош облусунан – 14, Талас облусунан – 10, Жалал-Абад облусунан – 37, Нарын облусунан – 11, Ысык-Көл облусунан – 20, Баткен облусунан – 25.
Өткөн суткада коронавирус инфекциясынан каза болгондордун жаңы 4 учуру: Ош облусунан – 1, Бишкек шаарынан – 1, Баткен облусунан – 2 катталды. Жалпысынан каза болгондордун саны 1073кө жетти.
КОММЕНТАРИЙ КАЛТЫРУУ