Президенттикке талапкер Абдил Сегизбаев Садыр Жапаровдун Бишкекте илинип турган плакаттары боюнча ой-пикирин билдирди.
Сегизбаев бул плакаттарга акча каражатты Садыр Жапаров кайдан алды деген суроону берүүдө.
“Бишкектен келе жатып карасам, кайсы жерде столба болсо сүрөт турат. Мен таң калып жатам. Мен 17 жыл мамлекеттик эмес уюмдарда иштегем. Бир плакатка акчам жетпей жатат. Кечээ эле бир жерде отурган жигит, бир жарым айда миллион долларды кайдан тапты? Ушуну көргөн элдер өз чечимин чыгарат деп ойлойм. Максим Бакиев менен Жаныш Бакиев – 87 баланы аттырган адамды мөөнөтүнөн мурда биринчи эле абактан чыгарды. Мен булардын бийликке келишине каршымын жана күрөшөм. Мен утулбайм, жеңип чыгам”, – деди Абдил Сегизбаев.
Белгилей кетсек, Абдил Сегизбаев сүйлөп жатып, Садыр Жапаровдун ысымын атаган жок. Аны жигит деп гана койду.
КОММЕНТАРИЙ КАЛТЫРУУ