“Менин шайлоого кеткен каражатымды карапайым, мекенчил эл берип жатат. Шайлоо фондум ачылгандан бери жүздөгөн адамдар акчаларын которушууда…”, – деп билдирди бүгүн, 20-декабрда Баткенде шайлоочулар менен жолугушууда талапкер Садыр Жапаров бир шайлоочунун “Сегизбаев “менин шайлоого акчам жок, Садыр Жапаров акчаны кайдан алып жатат?” деп интернетте суроо салууда, сиз буга кандай жооп берет элеңиз?” деген суроосуна жооп берип жатып.
“Сегизбаев болсо эми ал, айтпайын дедим эле, “айтылбай турган сөз эле, айтылып кетти өзү эле” деген бир жакшы сөз бар го, Сегизбаев өзү кылмышка шектүү адам, ал президенттикке деле өтпөсүн билет, бирок, элге көрүнүп, оппозиция катары көрүнүп алайын, кийин кылмышымдын бети ачылып калса мени “ушул оппозиция эле, оппозиция болуп сындап чыкты эле” деп эл коргоп алар бекен деп “арканды алыс ыргыткан” гана амалы болуп жатат деп ойлойм”, – деди Садыр Жапаров.
Булак: Kyrgyztoday.kg
КОММЕНТАРИЙ КАЛТЫРУУ