Кайра жаралуу доорундагы флоренциялык сүрөтчү Сандро Боттичеллинин «Медальон кармаган жигит» аттуу эмгеги Нью-Йорк шаарындагы аукциондо 92 миллион 200 миң долларга сатылды.
Бул Боттичеллинин буга чейин аукциондордо сатылган эмгектери үчүн жаңы рекорд болду. 2013-жыл анын «Мадонна, наристе жана Иоанн Креститель» деген эмгеги 10,4 миллион долларга сатылып, рекорд койгон.
Sothebyʼs аукцион үйүнүн билдирүүсүндө «Медальон кармаган жигит» сүрөтчүнүн сатыкка коюлган эң барктуу эмгектеринин бири экени белгиленген.
#AuctionUpdate: Sandro Botticelli’s masterpiece Young Man Holding a Roundel, one of the most significant portraits of any period ever to appear at auction, and a defining work of the Florentine Renaissance achieves $92.2 million — a new auction record for the artist pic.twitter.com/lqsdOC1gtX
— Sotheby's (@Sothebys) January 28, 2021
1470–1480-жылдары тартылган сүрөт XVIII кылымдан бери уэльстик Ньюборо аттуу аристократтардын үй-бүлөсүнө таандык болуп келген. 1982-жылы аны америкалык девелопер Шелдон Солоу 1,3 миллион долларга сатып алган. Азырынча бул жолку сатып алуучунун аты-жөнү айтыла элек.
«Медальон кармаган жигит» сүрөтү дүйнөлүк музейлер менен галереяларга бир нече жолу коюлган. Алардын арасында Лондондогу Улуттук галерея менен Нью-Йорктогу Метрополитен искусстволорунун музейи да бар.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ