Menu

Казакстанда бир айда интернет алдамчылыкка байланыштуу 1,8 миң кылмыш иши козголду

Бөлүшүү:

Казакстанда өткөн жылга салыштырмалуу быйыл интернет алдамчылык кыйла көбөйдү. Бул тууралуу Finprom.kz аналитикалык сайты өлкөнүн Ички иштер министрлиги (ИИМ) менен Башкы прокуратурасына шилтеме кылып билдирди.

Маалыматка караганда, быйыл январь айында «Алдамчылык» беренеси боюнча Казакстанда 4 миң кылмыш иши козголгон. Бул өткөн жылдын алгачкы айындагы көрсөткүчкө салыштырмалуу 30,9% көп.

Кылмыш иштеринин 43% же 1,8 миңден ашыгы интернет алдамчылыкка байланыштуу. Алардын көбү Алматы, Нур-Султан жана Чымкент шаарларында катталган.

— Төрт миңдин ичинен 400гө жакынынын бети ачылды. Бизге кылмыштарды чет өлкөлөрдөгү адамдар жасаганы кыйынчылык жаратууда. Биз маалыматтарды Интерполго жөнөткүчө из жашырып кетип жатышат, — деди ИИМдин расмий өкүлү Нурдилда Ораз.

Буга чейин Казакстандагы бир катар банктар кардарларына интернет алдамчылык күчөп жатканын эскерткен. Алардын маалыматы боюнча шылуундар көбүнчө өздөрүн банк кызматкери катары тааныштырып, жарандарды түрдүү кайрымдуулук акциялары, каржы кызматтары жана белектер тууралуу жалган маалыматтар менен алдап, өз эсептерине акча котортууга аракет кылышат.

ИИМдин маалыматына караганда, быйыл январда алдамчылык схемаларынан улам жалпысынан 1,8 миллиард теңге зыян келтирилген. Бул сумманын 1,1 миллиарды жеке жактарга, 529,9 миллиону мамлекетке жана 82,7 миллиону юридикалык жактарга таандык.

 Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha − 1 = 1

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: