Menu

Өмүрбек Текебаев менен Дүйшөнкул Чотонов акталды

Бөлүшүү:

Бүгүн, 13-апрелде Бишкек шаарынын Биринчи Май райондук соту мурдагы өзгөчө кырдаалдар министри Дүйшөнкул Чотонов менен Жогорку Кеңештин экс-депутаты Өмүрбек Текебаевге карата козголгон кылмыш ишин карады.

Жараянга судья Айнура Сатарова төрайымдык кылды.

Жыйынтыгында кылмыштын курамы жок болгондуктан Текебаев менен Чотонов акталды.

“Өмүрбек Текебаев жана Дүйшөнкул Чотонов КР Жазык кодексинин 303-беренесинин 1-б. көрсөтүлгөн кылмыш окуясы жок болгондуктан акталсын. Өмүрбек Текебаев менен Дүйшөнкул Чотоновго карата тандалган үй камагындагы түрүндөгү бөгөт коюу чарасы өкүм мыйзамдуу күчүнө киргенден кийин жокко чыгарылсын”, – деди судья.

Белгилей кетсек, Өмүрбек Текебаев менен Дүйшөнкул Чотонов орусиялык шылуун ишкер, учурда түрмөдө отурган “Леонид Маевскийден пара алды» деген айып тагылып, 2017-жылы ар бири сегиз жылдан түрмөгө кесилген. Мындай чечимди алар четке кагып, мурдагы президент Алмазбек Атамбаевдин куугунтугу катары баалашкан.

2019-жылдын 21-августунда Жогорку Сот Өмүрбек Текебаевдин жана Дүйшөнкул Чотоновдун кылмыш ишин жаңы ачылган жагдайларга байланыштуу кайрадан кароого жиберген. Алар үй камагына чыгарылышкан.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

45 − = 42

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: