Өкмөттүн Баткен облусундагы ыйгарым укуктуу өкүлү Өмүрбек Суваналиев мыйзамдагы ууру Камчы Көлбаев менен жолугуп, сүйлөшкөн эмес. Бул тууралуу ал журналисттерге билдирди.
“Мен эч качан уюшкан кылмыштуу топ менен сүйлөшүүлөрдү жүргүзгөн эмесмин, алар менен чогуу бир столго отурган эмесмин, отурбайм дагы. Эсиңиздерде болсо, мен аларды камагам”, – деди Суваналиев.
“Мен чынында эле Камчы менен жолуктум. Бирок ал Камчы Ташиев болчу. УКМКнын башчысы Германиядан келгенден кийин дароо Баткенге келди”, – деди ал.
Белгилей кетсек, 30-апрелде, чек ара жаңжалы болуп жаткан учурда айрым ЖМКлар кримтөбөл Камчы Көлбаевдин Баткенге барганын жазып чыгышкан. Ал Өкмөттүн Баткен облусундагы ыйгарым укуктуу өкүлү Өмүрбек Суваналиевдин иш бөлмөсүнө кирип, сүйлөшүүлөрдү жүргүзгөнү айтылган.
КОММЕНТАРИЙ КАЛТЫРУУ