Мамлекеттик дума Башкы прокуратурага “фейк таратканы”, “бийликке сый көрсөтпөгөнү”, “армияны каралаганы” жана “санкцияга үндөгөнү” үчүн ЖМКларды жабууга укук берген мыйзам долбоорун үчүнчү окууда кабыл алды.
Бул тууралуу парламенттин төмөнкү палатасынын сайтында кабарланды.
Башкы прокуратура “мыйзамга каршы жана кооптуу”, ошондой эле “Орусия Федерациясынын Конституциясын жана коомун сыйлабаган” маалыматтарды тараткан медиалардын лицензияларын кайтарып алуу укугуна да ээ болот. Лицензияны кайтарып алуу жөнүндө чечим Роскомназдорго жөнөтүлөт.
ЖМК 3-6 ай ичинде “катачылыгын” жойсо, анда ал Роскомназдордун чечими менен ишин жандандырууга кайрадан мүмкүндүк ала алат.
Мыйзамды бир нече жолу бузган ЖМК толугу менен жабылат.
Документте чет өлкөлүк маалымат каражаттарынын ишине тыюу салууга мүмкүндүк берген эреже да бар.
КОММЕНТАРИЙ КАЛТЫРУУ