Эртең, 30-мартта саат 10-00 митинге “эл чыкпасын” деген максатта премьер министр Сариев, бүгүн өзүнүн маалымат катчысы аркылуу элге жалган маалымат тараттыра баштады. Сариевдин маалымат катчысы Унгар-Тоо боюнча Сариев кол койбогон документти Бекназаров элге таратып жатат деп Бекназаровго күнөө коюп чыкты.
Бул маалыматтын жалган экенин, урматуу окурмандар, Сиздер Кербен шаарынын депутаттары менен байланышсаңыздар эле билип аласыздар. 2015 – жыл 11-ноябрь Темир Сариев өзү кол койгон 18-177 номерлүү буйругун Кербен шаарынын депуттарына Сариев өзү тапшырган. Аны эми ал кантип тана алат?!
Ошол Сариевдин буйругун Бекназаров эмес Кербендик депутаттар элге жеткиришти. Себеби, Темир Сариев алардан Өзбекстандын территориясы Унгар-Тоодон радио станцияларды башка жакка көчүрүү боюнча чечим кабыл алып бергиле деп талап коюп жатат. Кыргызстандын Кербен шаарында жайгашкан Унгар-Тоону ким жана качан өзбектерге берип салганын, эмне үчүн бул территорияны бүгүн, Сариев Өзбекстандыкы деп атап жатканын ачыкташ үчүн Бекназаров аракет жасап жатса, Бекназаровду “провакатор” деп атап, Сариевдин маалымат катчысы элге “катын ушак” таратып жатат.
Унгар-Тоону өзбектерге алдырбаш үчүн, эртең саат 10-00 Горький паркында өтө турган биздин тынчтык митингине келиңиздер, урматтуу боордоштор! Кыргыз жери Кыргызстандыкы гана болушу керек!
Кыргызстандын патриоттук күчтөрүнүн координациялык кеңеши
КОММЕНТАРИЙ КАЛТЫРУУ