Коомдук ишмер Бекболот Талгарбеков башында турган “Элдик парламенттин” таскагы күн сайын катуулап, дүбүртү дабыш жара башташы эмнени билдирет? Буга дейре саясый топтун курамынан Абдыганы Эркебаев баштаган топ чыга качса, алардын ордун толуктаган мүчөлөр катарга кошулушууда. Экс-вице-премьер-министр, Кыргызстан немецтер кеңешинин төрагасы Валерий Диль да өзүнүн командасы менен Талгарбеков башында турган “Элдик парламентке” мүчө болуп киргени, кайра бир күн өтүп-өтпөй айнып кетип, кошулууга убакыт сураганы таңгалдырууда. Эми жаш болбогон соң, салмактуу эле саясатчылар коркок билиштикке барбай, эки жагын таразалап, бир сүйлөшү керек да, туурабы? Бирок, Кыргызстандагы түрдүү улуттун катардагы өкүлдөрү аталган саясый топтун курамына агылып кирүүгө кызыгып атышканын байкадык. Кызык, тымызын түрдө саясый элита да “Элдик парламентке” кошулууга дилгирби? Чын эле өлкөдө өзгөрүүлөр болобу?..
Булак: “Азия news”
КОММЕНТАРИЙ КАЛТЫРУУ