Нью-Йорктун Түштүк округунун федералдык соту Гүлнара Каримова менен ага жакын адамдарга тиешелүү делген 850 миллион долларды конфискациялоого байланышкан ишти убактылуу токтотту. Сот мындай чечимди АКШ менен Өзбекстан бийлигинин өтүнүчүнөн улам кабыл алган. Вашингтон менен Ташкент соттон тышкаркы тартипте эле аталган миллиондордун тагдырын чечүүгө ниеттенүүдө.
Кеп Швейцариядагы эсепте камакка алынган 550 миллион жана АКШ, Ирландия, Люксембург жана Бельгия банктарында тоңдурулган 300 миллион доллар туурасында болуп жатат. Бул акчалар Ислам Каримовдун улуу кызына тиешелүү деп айтылып келет. Акчаны кайтарып алуу максатында өзбек бийлиги америкалык Holwell Shuster&Goldberg жактоочу компаниясын жалдап, анын юристтери ньюйорктук сот Эндрю Картерге Өзбекстандын юстиция министринин колу коюлган кат жөнөтүшкөн.
Катта америкалык тарап камакка алган 500 миллион доллар Өзбекстанга тиешелүү экендиги жана өлкө айрым ишкерлер жасаган кылмыштын курмандыгы болуп калгандыгы айтылган. Бирок Гүлнара Каримова жөнүндө эч кандай сөз жок.
КОММЕНТАРИЙ КАЛТЫРУУ