31-август – Эгемендүүлүк күнүнө арналган салтанатта борбордук аянтта сүйлөп жатып, президент А.Атамбаев адаттагыдай эле күтүлбөгөн жагдайда Убактылуу өкмөттүн мүчөлөрүнүн дарегине каттуу сын айтты.
Мамлекет башчы Конституцияга сунушталып жаткан өзгөртүүгө кайрылып, айрыкча сол жагында турган өткөөл мезгилдин экс-президенти Р.Отунбаеваны зекип өттү. Ошол учурдагы санаалаштарына ачууланган А.Атамбаев 2010-жылы референдумда кабыл алынган Конституция парламенттик башкарууну алып келбегенин, Р.Отунбаеванын президенттикке бекитилиши да күмөндүү экенин белгиледи. Ал тургай апрель окуясы учурунда банк кутуларынан жоголгон миллиондор, кээ бирөөлөр жомоктогудай байып кеткендигин айтты. Ал тургай морадёрлук тууралуу сөз болду. Майрамдык маанайдагы мындай жемеге чыдай албаган экс-президент турган жеринен кетип калды. Бул окуяга баардык чет өлкөлүк журналисттер менен дипломаттар күбө болушту. Анын бул жоругун колдогондор да, жактырбагандар да болууда. Мамлекет башчысы болгон адам жеке таарынычынан улам өлкөбүздүн кадыр-баркына шек келтирбей эле койсо болмоктугун айтышууда. Ошол эле күнү кечинде Убактылуу өкмөттүн Т.Тургуналиевден башка мүчөлөрү президенттен бул сөзү үчүн кечирим суроону талап кылышты.
Булак: “Майдан.kg”
КОММЕНТАРИЙ КАЛТЫРУУ