Коргонуу, коопсуздук жана чек ара маселеси боюнча вице-премьер-министрлик кызматына Жеңиш Разаков келгени ийгиликке жетүүгө үмүттөр пайда болгон. Тилекке каршы, өлкөдө коопсуздук, чек ара көйгөйү күч алды. Үңкүр-Тоого Өзбекстандын аскерлери айттырбай кирип келип, төрт жараныбызды барымтага алып, анысы аз келгенсип, аталган аймакты ээлеп алышты. Бу тармакты координациялаган Ж.Разаков мамлекеттик деңгээлдеги сүйлөшүүлөрдү жүргүзмөк турсун, түзүлгөн кырдаалдан чыгуу боюнча тыңгылыктуу оюн айта албады. Көп өтпөй Кыргызстанда биринчи жолу, мындайча айтканда, Кытай элчилигин жардырган терракт катталып, үрөй учурган көрүнүшкө күбө болдук. Баарыбызга байкалып тургандай, диний экстремизмге, терроризмге алдын ала чаралар көрүлбөгөнү, анан качан гана жамандык болгондо күйпөлөктөп, эл көзүнө күрөшүп аткандай түр көрсөткөнүнө баракелде! Кыскасы, Ж.Разаков вице-премьерлик кызматын аркалай албаганы ачык байкалды. Ишинин натыйжасы болсо байкайт элек да. Бу эргулду байкап көрсөк, төөнүн жарты этиндей болуп, далдайган менен “даамы” жок окшойт…
Булак: “Азия Ньюс”
КОММЕНТАРИЙ КАЛТЫРУУ