Ташкенттеги Нейрохирургия илимий борборунун кызматкерлери быйыл пахта жыйноого барышпайт. Борбордун жамааты талаагы чыгуудан ар бири 200.000 сумдан ($31) акча берип кутулууну чечкен.
«Бизде медициналык кызматкерлер жетишпейт, бейтаптар абдан көп, аларды дарылоону кийинкиге калтырууга болбойт. Баарыбыз тең акча чогултуп бердик, ал эмес айлыгы 350.000-400.000 сумдан ашпаган санитарлар да беришти. Биз топтолгон акчаны институт райондук акимчиликке бериши керек деп уктук, биздин ордубузга талаада иштей тургандар менен алар өздөрү сүйлөшүп алышат экен», – деди борбордун кызматкерлеринин бири.
Анын айтымында, пахтага чыгуудан кутулуу үчүн эч ким өз чөнтөгүнөн акча берүүнү каалабайт, бирок алардын андан башка айласы жок. Дарыгерлердин нааразылыгын уккан эч ким жок, ал эми талаага чыгуудан баш тартуу тууралуу айткандарга карата дароо эле коркутуп-үркүтүүлөр башталат.
Эсептөөлөр көрсөткөндөй, нейроборбордун жамааты пахта талаасына чыгуудан кутулуу үчүн 100 миллион сум ($15.600) төлөшү керек. Жалпысынан жеке бизнести эсептебегенде өлкө боюнча бул сыяктуу миңдеген жамааттар бар.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ