Түркмөнстан президенти Бердымухамедов министрлер кабинетинин жыйынында өзүнүн кезектеги китебин жазып бүткөнүн билдирди. «Тынчтыктын, достуктун жана боордоштуктун музыкасы» аталышындагы бул китеби улуу түркмөн музыканттарынын бири Шүкүр бахшиге арналган. Бул тууралуу жергиликтүү ММКлар жазышты.
Президенттин айтымында, «Шүкүр бахши эң оор маселелерди да тынчтык жолу менен чечүүгө аракет кылган адам болгон». Китепти 14-сентябрда Ашхабадда өтө турган Түркмөнстан Аксакалдар кеңешинин жыйынына чейин басып чыгаруу тапшырылды.
19-20-кылымдарда жашаган Шүкүр бахши музыкалык мелдештен жеңип чыгып, иран уруусунда барымтада жаткан бир тууганын бошоткондугу менен атактуулукка жеткен.
Бул түркмөн президентинин жыл башынан берки алтынчы китеби. Буга чейин анын макал-лакаптар жыйнагы, чай, ахалтек тукумундагы жылкылар, түркмөн килем токуу өнөрү жана Түркмөнстандын дары чөптөрү жөнүндөгү китептери чыккан.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ