Росавиация «Түркмөн аба жолдорунун» («Туркменховаеллары») карыздарынан улам анын учактарын Орусия аба мейиндигинде тейлөөсүн убактылуу токтотту. Бул тууралуу орусия мекемесинин расмий сайтында жазылган.
Росавиациядан белгилешкендей, 2016-жылы түркмөн авиакомпаниясы учактарынын аэронавигациялык тейлениши үчүн топтолгон карыздарын төлөп берүү боюнча бир канча жолу милдеттеме алган. Бирок ал милдеттенмелер белгиленген мөөнөттө аткарылган эмес. Учурда авиакомпаниянын жалпы карызы $220 миңге жетет. Росавиация карыз толугу менен төлөнгөндөн кийин чектөөлөр алынып, көйгөй чечилет деген үмүттө.
«Түркмөнховаеллары» авиакомпаниясы Орусиянын аба мейкиндиги аркылуу Ашхабаддан Москва менен Санкт-Петербургга каттамдарды аткарып, Минск, Бирмингем жана Лондонго транзиттик учууларды жасайт.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ