Дүйшөмбү күнү Москва аймактык сотунда Борис Немцовдун өлүмү тууралуу иш боюнча угуулар башталат. Буга чейин ишти сот кеңешчилери карасын деген чечим кабыл алынган.
Мындай өтүнүч менен сот жообуна тартылып жаткандар кайрылышкан. Алар бешөө. Бардыгы тең саясатчынын өлүмүнө тиешелери жок экенин билдирип келишет.
Заур Дадаев, бир тууган Анзор менен Шадид Губашевдер, Хамзат Бахаев жана Темирлан Эскерханов уюшкан топтун курамында жалданып адам өлтүрүүгө жана курал-жаракты мыйзамсыз алуу жана сактоого айыпталып жатышат.
Жабырлануучу тарап тергөө Борис Немцовдун өлүмү менен анын саясий жана коомдук ишмердүүлүгүнүн ортосунда байланыш бар экенин эске албай жатканына нааразы.
Сот жообуна тартылып жаткандардын арасында буйрутма берген деп шектелгендер менен кылмыштын уюштуруучулары жок. Буга байланыштуу Борис Немцовдун кызы Жанна Немцованын жактоочусу тергөөнүн ийгиликсиз болгондугун билдирүүдө. Ошол эле маалда коргоо тарап да тергөө тобунун ишинин сапатынан күмөн саноодо.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ