Учакка алып кирүүгө тыюу салынган затты өткөрүү аракетинен улам Алматы аба майданында алты каттам кечиктирилди. Бул тууралуу аба майдандын басма сөз кызматынан билдиришти.
Маалыматка ылайык, Алматы-Тблиси каттамынын жүргүнчүсүн текшерүү маалында анын жанынан болжол менен сымап куюлган идиш табылган. Аба майдан кызматкери аны багаждан алып салуу керектигин айткан. Буга жооп иретинде жүргүнчү идишти таштанды челегине ыргытып жибергенде, андагы суюктук төгүлүп калган.
Андан соң аба майдандагы жүргүнчүлөр шашылыш эваукацияланып, кызматкерлер терминал имаратынан сыртка чыгарылган.
Азыркы тапта бардык кызматтардын иши калыбына келтирилди, деп билдирүүдө аба майдандын басма сөз кызматы.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ