Баягы «Кош келиңиз, Меркель айым» деген көрнөк-жарнактар жайнап, Кыргызстанга бейиштин элчиси келаткансып өлө сүйүнгөн убакчы. Ошондо Германиянын канцлери Ангела Меркель Кыргызстанга келбеди беле. Келээрин келип, Кыргызстанды көргөн Ангела айым Ала-Тоонун жаратылышына өтө суктаныптыр. Кыргыздын тамак-ашына андан бетер арзып кетиптир. Эми булардын ичкен-жегени тыкыр текшерилет эмеспи. Биздин тамак-ашыбыз европалык стандартка ылайык келип, текшерүүдөн кынтыксыз өтүптүр. Өзгөчө жаңы чыккан «Ала-Арча» деген суу мээсин сергитиптир дешет. Мамлекеттик резиденция үчүн жалаң президенттер ичкен бул сууну кимдер чыгарып жатканы азырынча табышмак. Меркелдин мээсин сергиткен сууну элге алып чыкса неге болбосун?! Колубузда ушундай кереметтерибиз, анан да аны жасай билген азаматтарыбыз турганда «илибой» жакты капшыра алабыз.
Булак: Де-Факто
КОММЕНТАРИЙ КАЛТЫРУУ