Казакстандын Саламаттыкты сактоо жана социалдык өнүктүрүү министрлиги өлкөнүн 25 жылдыгына карата жарандарга бир жолудан акча төлөп берүү пландалып жаткандыгы тууралуу маалыматты төгүндөдү.
Күн мурун айрым ММКларда WhatsApp аркылуу парламент өлкөнүн 25 жылдыгына карата жарандарга бир жолу акча төлөп берүү тууралуу мыйзам долбоорун жактырганы тууралуу маалыматтар тарап жатканы жөнүндө билдирүүлөр пайда болгонун жазып чыгышкан. Анда 2016-жылдын 1-ноябрынан тарта ар бир казакстандыкка 25 миң теңгеден (75 доллардын тегерегинде) төлөп берүү пландалганы айтылган.
Бүгүн өлкөнүн Саламаттыкты сактоо жана социалдык өнүктүрүү министрлиги мобилдик мессенджер аркылуу таркатылган маалыматтын чындыкка дал келбей тургандыгын кабарлады.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ