Өзбекстандын биринчи президентинин жесири Татьяна Каримова жана анын кызы Лола Каримова-Тилляева Ташкенттеги “Минор” мечитин зыярат кылышты. Бул тууралуу жергиликтүү ММКлар билдиришүүдө.
Алар мечиттин айланасын жакшыртуу иштери менен таанышып, Ташкенттин башкы имам-хатиби Анвар-кори Турсунов менен жолугушту.
Татьяна Каримова Ташкенттеги “Минор” мечитине Кааба дубалын жаап турган, алтын жиптер менен кооздолгон жибек жапкычты тапшырды. Аны Ислам Каримов 1992-жылы кичи ажылык кылуу үчүн Меккеге барганда Сауд Арабия королу белекке берген. Бул кисва Кабада бир нече жылдар бою сакталганы айтылат.
“Минор” мечитинин курулушу 2013-жылы башталып, 2014-жылы 1-октябрда ачылыш аземи болгон.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ