Үстүбүздөгү жылдын 3-октябрь күнү социалдык тармактарда жаш балдардын кызыл чеке болуп мушташканы жарыяланып, кызуу талкууга жем таштаган болучу. Ички иштер министрлиги бул видеонун кай жакта тартылганын иликтеп таап чыкты. Көрсө жөжө короздордун мушташы Өзгөн районунун Кош-Коргон айылында болуптур. Иликтөөлөргө таянсак алты жана жети жаштагы балдарды экөөнүн аталары мелдешип мушташтырган экен. Кайран кыргыз кайда баратат. Балдарына татыктуу билим берип тарбиялагандын ордуна канга чыланганча мушташтырып. Ошондо келечек муундардан кылмышкерлер, мыкаачы террористтер өсүп келе жатабы деген ойго кептелесиң. Баса, бул балдардын аталары камакка алынды.
Булак: Ачык саясат
КОММЕНТАРИЙ КАЛТЫРУУ